काठमाडौँ । नेकपा (माओवादी केन्द्र)ले पार्टीले सञ्चालन गरेको चार महिने विशेष रुपान्तरण अभियानका क्रममा पार्टीको जिम्मेवारी १० प्रतिशत पनि पुरा नगर्नेमाथि कारबाही गर्ने भएको छ ।
पार्टीको केन्द्रीय समिति बैठकमा सम्बोधन गर्दै अध्यक्ष पुष्पकमल दाहाल ‘प्रचण्ड’ले १० प्रतिशत पनि नखट्ने नेताहरुलाई कारबाही गर्ने घोषणा गर्नुभयो ।
कारबाहीका लागि सबै प्रदेशका इन्चार्जहरुलाई भोलि या पर्सीसम्ममा रिपोर्ट दिन पनि उहाँले निर्देशन दिनुभयो । रिपोर्टका आधारभा विधान अधिवेशनको अन्तिम दिन निर्णय गरेर अघि बढिने अध्यक्ष दाहालले बताउनुभयो ।
यस्तै, अभियानका क्रममा धेरै खटिने नेताहरुलाई विशेष सम्मान गरिने अध्यक्ष दाहालको भनाई छ ।
