• १३ फाल्गुन २०८०, आईतवार
  •      Sun Feb 25 2024
  •   Unicode
Logo
Latest
★   ईलाम र बझाङमा बैशाख १५ गते उपनिर्वाचन गर्ने आयोगको निर्णय ★   विद्यमान राजनीतिक व्यवस्था चाहिँदैन भन्ने अधिकार पनि संविधानले दिएको छ: सांसद शाही ★   बुर्तिबाङ प्राथमिक स्वास्थ्य केन्द्र २८ वर्षपछि प्रदेशस्तरीय अस्पताल बन्दै ★   संविधानले दिएको सेवा सुविधा लिएर संविधानको बिरोध गर्न मिल्दैन: सांसद सापकोटा ★   नेपालले नेदरल्यान्ड्सलाई दियो १७३ रनको सामान्य लक्ष्य ★   सहकारीपीडितको समस्या समाधान गर्न सरकारको ध्यानाकर्षण ★   जापान नेपालको हितैषी मित्र र भरपर्दो विकासको सहयात्री: राष्ट्रपति पौडेल ★   नेपालले ४४ ओभरमा आठ विकेट गुमाएर १४२ रन बनायो ★   सासंद खतिवडाको कटाक्ष: कुचो र क्यामरा बोकेर मन्त्री किराँती मन्त्रालयमा, काम भने कमिसनको चक्करमा ★   जापानले भूकम्प पीडितका लागि थप ६६ करोड डलर खर्च गर्ने

पाकिस्तानमा नयाँ सरकार गठनका लागि ‘रस्साकस्सी’



एजेन्सी । पाकिस्तानमा आम निर्वाचनको नतिजा आएको छ । कुनै पनि दलले १३४ को आँकडा हासिल गर्न सकेको छैन ।

अहिले गठबन्धन सरकारका लागि पहल तीब्र भएको छ । नवाज शरीफको पार्टी पीएमएल–एनका अध्यक्ष शाहबाज शरीफले आइतबार राति पाकिस्तान पिपुल्स पार्टी (पीपीपी) का नेता आसिफ अली जर्दारी र उनका छोरा बिलावललाई भेटेका थिए ।

यसपछि पीपीपी भन्यो– सोमबार बस्ने केन्द्रीय कार्यसमितिको बैठकले निर्णय गर्छ ।’

अर्कोतर्फ, इमरान खानको पार्टी पीटीआईको समर्थनमा विजयी भएका स्वतन्त्रहरूले पक्ष परिवर्तन गरेर नवाजको साथमा जान थालेका छन् ।

इमरानको पार्टी पीटीआईको समर्थनमा लाहोरको एनए–१२१ सिट जितेका वासिम कादिरले नवाज सरिफको पार्टी पीएमएल–एनमा प्रवेश गर्ने घोषणा गरेका छन् । कादिरले भने – म आफ्नो घर फर्किएको छु ।’ कादिरलाई पञ्जाब प्रान्तमा इमरानको पार्टी पीटीआईको ठूलो नेता मानिन्छ ।

पाकिस्तान पिपुल्स पार्टीका नेता फैसल करीम कुण्डीले आफ्ना नेता बिलावल भुट्टो जरदारी प्रधानमन्त्री नबनेमा विपक्षमा बस्नुपर्ने तर अरुको सरकारमा मन्त्री बन्न नहुने बताएका छन् । फैसलले भने – हामी प्रतिपक्षमा बसेर पनि जनताको सेवा गर्न सक्छौं तर कमजोर सरकारमा बस्नुको कुनै अर्थ छैन ।’

पाकिस्तानको राष्ट्रिय सभामा कुल ३३६ सिट छन् । जसमध्ये २६५ सिटमा निर्वाचन भएको थियो । एक सिटको निर्वाचन स्थगित भएको छ भने एक सिट एनए ८८ को नतिजा अस्वीकृत भएको छ । यहाँ फेब्रुअरी १५ मा फेरि मतदान हुँदैछ । बाँकी ७० सिट आरक्षित छन् ।