काठमाडौँ । स्पेनिस फुटबल लिग ला लिगा अन्तर्गत बार्सिलोनाले बराबरी खेलेको छ । गएराति भएको खेलमा बार्सिलोनाले ग्रानडासँग ३–३ गोलको बराबरी खेल्दै अंक बाँडेको हो ।
खेलको १४ औं मिनेटमा लामिने यामलले गोल गर्दै घरेलु टोली बार्सिलोनालाई सुरुवाती अग्रता दिलाएका थिए । ४३ औं मिनेटमा रिकार्ड सान्चेजले गोल गर्दै ग्रानडालाई १–१ को बराबरीमा ल्याए ।
६० औं मिनेटमा फाकुन्डो पेलेस्त्रीले गोल गर्दै ग्रानडालाई २–१ ले अघि बढाए । ६३ औं मिनेटमा रोबर्ट लेवान्डोस्कीले गोल गर्दै बार्सिलोनालाई २–२ को बराबरीमा ल्याए । यता, ६६ औं मिनेटमा इग्नासी मिक्वेलले गोल गर्दै ग्रानडालाई ३–२ गोलले अघि बढाए ।
८० औं मिनेटमा व्यक्तिगत दोस्रो तथा टोलीका लागि तेस्रो गोल गर्दै यामलले बार्सिलोनालाई ३–३ को बरबरीमा ल्याएर हारबाट जोगाए । बार्सिलोना २४ खेलबाट ५१ अंकका साथ तालिकाको तेस्रो स्थानमा रहँदा ग्रानडा १३ अंकका साथ १९ औं स्थानमा छ ।
