काठमाडौं । बिहीवार देशभर १०७ जना कोरोना भाइरसका संक्रमित थपिएका छन् । पछिल्लो २४ घण्टामा ५ हजार ५ सय ३६ जनाको पिसिआर परीक्षण गराउँदा १०७ जनामा संक्रमण पुष्टि भएसंगै संक्रमितको संख्या २ लाख ७४ हजार ४८८ पुगेको छ।
स्वास्थ्य तथा जनसंख्या मन्त्रालयले दिएको जानकारी अनुसार बिहीबार थप ७८ जना डिस्चार्ज भएसंगै कोरोना जित्नेको संख्या २ लाख ७० हजार ६८६ पुगेको छ। मन्त्रालयका अनुसार निको हुनेको दर ९८.६ प्रतिशत हो।
देशभर सक्रिय संक्रमितको संख्या भने ७९५ रहेको छ। अहिलेसम्म कोरोनाबाट मृत्यु हुनेको संख्या ३ हजार १० पुगेको मन्त्रालयले जनाएको छ।
यस्तै अहिले ५७ जना क्वारेन्टिन र ७९५ जना आइसोलेसनमा रहेको मन्त्रालयले जनाएको छ।
