काठमाडौं । जारी प्रधानमन्त्री कप एकदिवसीय राष्ट्रिय प्रतियोगितामा बागमती प्रदेशले सुदूरपश्चिम प्रदेशलाई २ सय ४८ रनको लक्ष्य दिएको छ ।
माथिल्लो मूलपानी क्रिकेट मैदानमा टस हारेर पहिला ब्याटिङको निम्तो पाएको बागमतीले ५० ओभरमा ९ विकेट गुमाउँदै २४७ रन बनायो ।
बागमतीका ओपनर आशुतोष घिरैयाले अर्धशतकीय ईनिङ खेले । उनले ६२ बलमा ६ चौका र ३ छक्कासहित ५४ रन बनाए ।
कप्तान रित गौतमले ४४, अशोक पौडेलले ३१, रविन जोशीले २४, विपिन आचार्यले १२, सुर्य तामाङले ९, प्रतिश जि.सीले १७ र ईशान पाण्डेले २ रन थप्दा सोनु देवकोटा २८ रनमा नट आउट रहे ।
सुदूरका शेर मल्ल र नारायण जोशीले समान तीन तीन विकेट लिए । विकाश आग्रीले दुई विकेट लिँदा मिलन बोहराले एक विकेट लिए ।
