काठमाडौं । नेपाल समाजवादी पार्टीका अध्यक्ष डा. बाबुराम भट्टराई नेपालको ऐतिहासिक धार्मिक सद्भाव र सहिष्णुताको परम्परालाई कायम राख्नु पर्ने जनाउनु भएको छ ।
विश्व हिन्दू महासंघ नेपालका पदाधिकारी तथा अगुवा अभियन्ताहरूसंगको भेटमा नेता भट्टराईले यस्तो बताउनु भएको हो । उहाँले महासंघका टोलीसंग धर्मनिरपेक्ष राज्य र सनातनदेखि चलिआएको धर्मसंस्कृतिको रक्षाबारे अत्यन्त गहन र उपयोगी छलफल भएको जनाउनु भएको छ ।
उहाँले नेपालको ऐतिहासिक धार्मिक सद्भाव र सहिष्णुताको परम्परालाई कायम राख्दै धर्मलाई राजनीतिक र सामरिक स्वार्थकालागि उपयोग गर्ने ‘अधर्मी’ प्रवृत्तिबाट सतर्क रहन आग्रह गर्नुभएको छ ।
