काठमाडौं । एसियाको सबैभन्दा ठूलो फुटबल प्रतियोगिता एएफसी एसियन कपमा अस्ट्रेलियाले विजयी सुरुवात गरेको छ ।
शनिबार कतारको बिन अली रंगशालामा भएको खेलमा अस्ट्रेलियाले भारतलाई २-० गोलले हराएको हो ।
समूह ‘बी’ को यो खेलमा अस्ट्रेलियाले दुवै गोल दोस्रो हाफमा गर्यो ।
अस्ट्रेलियाका लागि ज्याकसन इर्भिनले ५०औं मिनेटमा तथा जोर्डन बोसले ७३ औं मिनेटमा गोल गरे ।
प्रतियोगितामा एसियाका २४ देशले प्रतिस्पर्धा गरिरहेका छन् ।
