मनाङ । मनाङको अवस्था निकै कष्टकर छ । हुनत हिउँ नपरी यहाँको पर्यावरण हराउँछ तर हिउँ परेपनि जनजीवन कष्टकर बन्दै जान्छ ।
सहरीयालाई यो हिउँ हेर्दा मज्जा लाग्न सक्छ तर परिस्थिति यहाँ अलग्गै छ । मानिस बेँसी झरिसकेका छन् । तर वस्तुभाउ जोगाउन र गाउँ कुर्न कोही त माथि लेकमै बस्नुपर्छ । उसको दैनिकी कठिन छ । आज मनाङको तापक्रम माइनस ८ छ ।
हिउँको खात बढ्दै छ आजभन्दा भोलि बढी । अनि यता पानीका स्रोतहरु पनि हिउँ नै भैसकेका छन् । धारामा पनी जमेको छ, खस्दैन । हिउँ पगाल्नलाई पारिलो घाम चाहिन्छ तर तापक्रम नै माइनस ८ भएपछि हिउँ पग्लिने कुरा पनि भएन ।
