काठमाडौं । प्रधानमन्त्री कप महिला टि२० राष्ट्रिय प्रतियोगिताको फाइनलमा नेपाल एपीएफ क्लबले कोशी प्रदेशलाई उपाधिको लागि १ सय १५ रनको लक्ष्य दिएको छ ।
टियु क्रिकेट मैदानमा टस जितेर पहिला ब्याटिङ गरेको एपीएफले निर्धारित २० ओभरमा ७ विकेट गुमाएर १ सय १४ रन बनायो । एपीएफके लागि प्रमुख ब्याटर इन्दु बर्माले अर्धशतक बनाईन् । उनले ४७ बलमा ६ चौका र १ छक्कासहित ५३ रनको योगदान दिइन् । निशा शाहले २७ रन बनाउदा सीता रानामगर १ रनमा बोल्ड आउट भईन् । यस्तै, रोमा थापाले १४ र ममता चौधरीले ३ रन बनाईन् ।
कोशीकी अप्सरी बेगमले अन्तिम ओभरमा ह्याट्रिक बनाईन् । उनले अन्तिम ओभरको पहिलो बल इन्दु बर्मा, दोस्रो बलमा नेरी र तेस्रो बलमा सोनु खड्कालाई बोल्ड गर्दै ह्याट्रिक लिइन् । बेगमले ४ ओभरमा २१ रन खर्चेर ३ विकेट लिइन् । एसिला खडियाले २ विकेट लिदा रुविना क्षेत्री र निशा शाहले १/१ विकेट लिइन् ।
प्रतियोगिता विजेताले ५ लाख र उपविजेताले ३ लाख प्राप्त गर्नेछन् ।
