काठमाडौं । प्रधानमन्त्री कप महिला टि२० राष्ट्रिय प्रतियोगिता दोस्रो क्वालिफायर खेलमा सुदूरपश्चिम प्रदेशलाई ९ विकेटले हराउँदै कोशी प्रदेश फाइनलमा पुगेको छ । अब कोशीले आईतबार उपाधिको लागि नेपाल एपिएफ क्लबसँग खेल्नेछ ।
जितको लागि ८९ रनको विजयी लक्ष्य पछ्याएको कोशीले १३ ओभरमा १ विकेट गुमाउँदै पूरा गर्यो । कोशीलागि काजोल श्रेष्ठ ३८ रनमा अविजित रहिन् । रुविना क्षेत्री बेलबासेले ३७ रन बनाउदा अप्सरी बेगम १२ रनमा अविजित रहिन् ।
सुदूरपश्चिम प्रदेशको लागि लक्ष्मी साउदले एक विकेट लिइन् ।
त्यसअघि टियु क्रिकेट मैदानमा टस हारेर पहिला ब्याटिङको निम्तो पाएको सुदूरले ७ विकेट गुमाउँदै ८८ रन बनाएको थियो । सुदूरको लागि सम्झना खड्काले सर्वाधिक २४ रन बनाइन् । विन्दु रावलले १७ रन बनाईन् । रुवी पोदार, रेवती धामी, अनु कडायत र लक्ष्मी साउदले ७(७ रन बननाए ।
कोशीको लागि संगिता राई २ विकेट लिँदा सबनम राई, एलिसा खडिया र निशा शाहले १-१ विकेट लिइन् ।
