![](https://newspolar.com/wp-content/uploads/2024/01/arsenal.jpg)
एजेन्सी । इंग्लिस प्रिमियर लिग फुटबल अन्तर्गत आर्सनलले हार ब्यहोरेको छ । गएराति भएको खेलमा उपाधि होडमा रहेको आर्सनल फुलहमसँग २–१ गोलले पराजित भएको हो ।
खेलको पाँचौं मिनेटमा बुकायो साकाले गोल गर्दै पाहुना टोली आर्सनललाई सुरुवाती अग्रता दिलाएका थिए । यता, २९ औं मिनेटमा राउल जिमेनेजले र ५९ औं मिनेटमा बबी डी कोर्डोभा रिडले गोल गर्दै फुलहमलाई जित दिलाए ।
यो नतिजासँगै आर्सनल २० खेलबाट ४० अंकसहित चौंथो स्थानमा झरेको छ । फुलहम २४ अंकका साथ १३ औं स्थानमा रहेको छ ।