एजेन्सी । ‘दबंग’ भनेर चिनिने बलिउडका सुपरस्टार सलमान खानले आज आफ्नो ५८ औं जन्मदिन मनाउँदैछन् । उनको जन्म डिसेम्बर २७, १९६५ मा इन्दौर, मध्य प्रदेशमा फिल्म लेखक सलीम खान र सुशीला चरक उर्फ सलमा खानको घरमा भएको थियो ।
सलमान बलिउडमा आएको ३५ वर्ष भइसक्यो र यी वर्षहरूमा उनले १०० भन्दा बढी फिल्ममा काम गरिसकेका छन् ।
यद्यपि, उनले २२ वर्षको उमेरमा १९८८ मा रेखा र फारुक शेखको फिल्म ‘बीवी हो तो ऐसी’ बाट आफ्नो करियर सुरु गरेका थिए । यस फिल्ममा सलमान खान सहायक भूमिकामा देखिएका थिए । तर, सलमानले अर्को वर्ष १९८९ मा फिल्म ‘मैने प्यार किया’ बाट नायकको रुपमा फिल्म डेब्यु गरेका थिए । यसपछि उनले कहिल्यै पछाडि फर्केर हेरेनन् ।
सलमान खानको पारिश्रमिकको कुरा गर्ने हो भने आज सलमानले एउटा फिल्मको लागि १५ करोडदेखि १२५ करोड भारु लिन्छन् तर उनका फ्यानहरू यो थाहा पाउँदा छक्क पर्नेछन् कि पहिलो फिल्म अर्थात् ‘बीवी हो तो ऐसी’का लागि उनले ११ हजार रुपैयाँ मात्र पाएका थिए । यति मात्र होइन, उनले दोस्रो फिल्म ‘मैने प्यार किया’का लागि ३१ हजार रुपैयाँ लिएका थिए ।
सलमानको अन्तिम फिल्म ‘टाइगर ३’ थियो, जसका लागि अभिनेताले १०० करोड पारिश्रमिक लिएका थिए । यसबाहेक, सलमानले ‘बिग बोस’ होस्ट गर्छन्, जसको लागि उनले एक एपिसोडको लागि १२ करोड भारु लिन्छन् । यति मात्र होइन, सलमानले सामाजिक सञ्जालमा पोस्ट गरेबापत ५० लाख रुपैयाँ लिन्छन् ।
यसबाहेक, उनी धेरै ठूला ब्रान्डका विज्ञापनहरूमा पनि काम गर्छन् । एक रिपोर्टका अनुसार उनले ब्राण्ड सुटिङका लागि ७ करोड भारु लिन्छन् ।
