एजेन्सी । जापानको कुमामोटोको चुओ वार्डमा एउटा अनौठो घटना भएको छ, जहाँ एक ५४ वर्षीय जापानी व्यक्तिले एउटा साङ्लो मार्न खोजे र संयोगवश आफ्नै अपार्टमेन्टमा विस्फोट गराए ।
यो घटना डिसेम्बर १० मध्यरातको हो । मैनीची शिम्बुनको रिपोर्ट अनुसार यो डरलाग्दो घटनाको बारेमा थाहा पाएर मानिसहरु स्तब्ध भएका छन् । त्यसयता यो घटना विश्वभर चर्चाको विषय बनेको छ ।
एक व्यक्ति आफ्नो अपार्टमेन्टमा साङ्लो देखेपछि निकै रिसाए र उनले त्यसलाई मार्न विष स्प्रे लिए । साङ्लोलाई भगाउन उनले धेरै मात्रामा स्प्रे गरे । अचम्मको कुरा, केवल एक मिनेटपछि अपार्टमेन्टमा ठूलो विस्फोट भयो, जसको कारण बालकनीको झ्याल फुट्यो । सौभाग्यवश, मानिसलाई सामान्य चोटपटक लागेको थियो, र उसको कोटात्सु (परम्परागत जापानी हिटर) नजिकै जलेको निशानहरू थिए ।
अधिकारीहरूले भने कि जापानको राष्ट्रिय उपभोक्ता मामिला केन्द्रले धेरै दुर्घटनाहरूको बारेमा जानकारी प्राप्त गरेको थियो । जहाँ बिजुलीको तार नजिकै विषादी प्रयोग गरी विष्फोट भएको थियो । कीटनाशक कम्पनीहरूले विद्युतीय उपकरण नजिकै विषादी छर्कनु खतरनाक हुने भएकाले हानि र्पुयाउने र चोटपटक लाग्ने चेतावनी समेत दिएका छन् ।
फ्लोरिडा विश्वविद्यालयका कीटविज्ञानी प्रोफेसर फिलिप कोहलरले यो खतरनाक विधिबारे चेतावनी दिएका छन् । उनले हिटर र उपकरणबाट निस्कने ग्यासको आगो नजिकै ज्वलनशील पदार्थले आगो लाग्ने खतरा औंल्याए । उनले भने, ‘कतिपय ठाउँमा तरल पदार्थ स्प्रे गर्नु निकै खतरनाक हुनसक्छ ।’
