एजेन्सी । एडभान्स बुकिङमा दक्षिण भारतीय सुपरस्टार प्रभासको फिल्म ‘सालार’ले शाहरुख खानको फिल्म ‘डंकी’लाई उछिनेको छ । ‘सालार’ आगामी डिसेम्बर २२ रिलिज हुँदैछ भने ‘डंकी ‘२१ तारीखबाट रिलिज हुँदैछ । यी दुवै फिल्मको एडभान्स बुकिङ सुरु भइसकेको छ ।
‘सालार’ले एडभान्स बुकिङमा भारु २ करोड ४० लाख भन्दा धेरै कमाएर ‘डंकी’लाई पछाडि पारेको छ । यसअघि ‘डंकी’ले ‘सालार’लाई उछिनेको थियो । तर भारतीय सिनेमाजमा ‘डंकी’को तुलनामा ‘सालार’लाई कम शोज दिइएको छ ।
अहिलेसम्म एडभान्स बुकिङबाट ‘सालार’ले १२ करोड ६७ लाख भारु कमाईसकेको छ । ६ हजार ४३९ शोजका लागि फिल्मले ५ लाख ७७ हजार ४०६ ओटा टिकट बिक्रि भईसकेको छ । अर्कोतर्फ ‘डंकी’को एडभान्स बुकिङ १० करोड २६ लाख भारु छ । १२ हजार ६०८ शोजका लागि ‘डंकी’को ३ लाख ६० हजार ५०८ ओटा मात्रै टिकट बिक्री भएको छ ।
‘सालार’ फिल्मका निर्देशक ‘केजीएफ’ फेम प्रशान्त नील हुन् । यस फिल्ममा फ्यानले उनको विद्रोही अवतार एकपटक फेरि हेर्न पाउनेछन् । सालार तेलुगु, तमिल, हिन्दी, मलयालम र कन्नड भाषामा रिलिज हुँदैछ । यस्तै, राजकुमार हिरानी निर्देशित फिल्म ‘डंकी’ भारतमा हिन्दी भाषामा मात्रै रिलिज हुनेछ ।
