काठमाडौं । नेपाली सुनचाँदी बजारमा आज लगातार दोस्रो दिन (सोमबार )पनि सुनको मूल्यले नयाँ रेकर्ड बनाएको छ ।
आईतबार मात्रै नयाँ रेकर्ड बनाएको सुनको मूल्य प्रतितोला आठ सयले बढेर सोमबार नयाँ ऐतिहासिक मूल्य कायम गरेको हो ।
सोमबार छापावाल सुन मूल्य प्रतितोला आठ सयले बढेर एक लाख २१ हजार छ सय रुपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ । आइतबार मात्रै रेकर्ड बनाउदै सुन प्रतितोला एक लाख २० हजार आठ सय रुपैयाँमा कारोबार भएको थियो ।
त्यस्तै, आज तेजाबी सुन प्रतितोला एक लाख २१ हजार रुपैयाँमा कारोबार भईरहेको छ । आईतबार तेजाबी सुन प्रतितोला एक लाख २० हजार दुई सय रुपैयाँमा कारोबार भएको थियो ।
त्यसैगरी, सोमबार चाँदीको मूल्य भने स्थिर रहेको छ । आज चाँदी आईतबार कै मूल्यमा यथावत रहि प्रतितोला ५ रुपैँयाले बढेर १५ सय ४५ रुपैयाँमा कारोबार भईरहेको महासंघले जनाएको छ ।
