काठमाडौं । केपी ओली टि२० कपको फाइनलमा मधेश प्रदेशले त्रिभुवन आर्मी क्लबलाई उपाधि जित्न १ सय ३६ रनको मध्यम लक्ष्य दिएको छ । पोखरा क्रिकेट रंगशालामा टस जितेर पहिला ब्याटिङ गरेको मधेशले निर्धारित २० ओभरमा ८ विकेटको क्षतिमा १ सय ३५ रन बनायो ।
युवा अलराउन्डर विशाल पटेलको उत्कृष्ट ब्याटिङमा मधेश प्रदेशले केपी ओली टि२० कपको फाइनलमा त्रिभुवन आर्मी क्लबलाई उपाधि जित्न १ सय ३६ रनको मध्यम लक्ष्य दिएको छ ।
मधेशको लागि युवा अलराउन्डर विशाल पटेलले उत्कृष्ट ब्याटिङ गरे । उनी ३२ बलमा ३ चौका र ३ छक्कासहित सर्वाधिक ४९ रन बनाएर नट आउट रहे । ओपनर हरिशंकर शाह २७, अनिलकुमार शाह ६, इमरान शेख ८, पवन सरार्फ ९, मयन यादव ३, हिमान्शु दत्त १४ र विशाल शुश्लिङ १० रनमा आउट भए ।
आर्मीका साहब आलमले ३ ओभरमा ५ रन खर्चेर ३ विकेट लिए । यस्तै, विवेक यादवले ३ विकेट लिँदा सोमपाल कामी र बसिर अहमदले समान एक विकेट लिए ।
