काठमाडौँ । पोखरामा जारी केपी ओली टि२० कपमा आज उपाधिको लागि मधेस प्रदेश र विभागीय टोली त्रिभुवन आर्मी क्लब भिड्दैछन् ।
पोखरा क्रिकेट रङ्गशालामा हुन लागेको फाईनल खेल बिहान ११:३० बजेबाट सुरु हुनेछ ।
बिहिबार भएको पहिलो सेमिफाईनल खेलमा बागमती प्रदेशलाई ४ विकेटले हराउँदै त्रिभुवन आर्मी क्लबले फाईनलमा स्थान पक्का गरेको थियो । हिजो नै भएको दोस्रो सेमिफाईनलमा नेपाल एपिएफ क्लबलाई ११ रनले हराउँदै मधेश प्रदेश फाईनलमा पुगेको थियो ।
प्रतियोगिताको च्याम्पियन टोलीले रु पाँच लाख, शिल्ड, पदक र प्रमाणपत्र पुरस्कार प्राप्त गर्नेछन् । यसैगरी उपविजेता टोलीले रु दुई लाख ५० हजार, शिल्ड, पदक र प्रमाणपत्र पुरस्कार पाउनेछ ।
प्रतियोगितामा ‘म्यान अफ द सिरिज’ले नगद रु ३० हजार, ‘बेस्ट बलर’रु २० हजार पुरस्कार पाउने आयोजक मदन भण्डारी स्पोर्टस् एकेडेमीले जनाएको छ । प्रतियोगिता यही मङ्सिर ७ गतेदेखि सञ्चालन भएको हो ।
