एजेन्सी । बलिउडका सुपरस्टार अक्षय कुमारलाई पनि कोरोना संक्रमण भएको पुष्टि भएको छ ।
कोरोनाको दोस्रो लहर सुरु भएसँगै बलिउडका चर्चित कलाकारहरु पनि लगातार कोरोनाभाइरसबाट संक्रमित भएको खबर आइरहेको छ ।
अक्षयले आफू कोरोना संक्रमित भएको जानकारी सामाजिक सञ्जालमार्फत दिएका हुन् ।
यस्तै अक्षयले आफूलाई कोरोना संक्रमण पुष्टि भएपछि तुरुन्त आइसोलेशनमा बसेको पनि जनाएका छन् । आफ्नो सम्पर्कमा आएका व्यक्तिहरुलाई समेत कोरोना परीक्षण गर्न उनले आग्रह गरेका छन् ।
