• ३१ जेष्ठ २०८१, बिहीबार
  •      Thu Jun 13 2024
  •   Unicode
Logo
Latest
★   भारत टी–२० विश्वकपको सुपर ८ मा प्रवेश, १११ रनको लक्ष्य १८.२ ओभरमा पछ्यायो ★   गणतन्त्रपछि विकासका बहुआयामिक द्वार खुलेका छन्ः पूर्वप्रधानन्यायाधीश श्रेष्ठ ★   दुर्लभ चराको बासस्थान बन्यो रेसुङ्गा र मदाने ★   “डिजिटल रूपान्तरणलाई अँगाल्दै” आइएमई २४ औ वर्षमा प्रवेश ★   ‘रोड थ्रिलर’ विधामा बन्यो ‘बाटोः रोड टु डेथ’ ★   काठमाडौं महानगरपालिका गर्यो सिंहदरबारभित्रबाट चार बालश्रमिकको उद्धार ★   मधेस स्वास्थ्य विज्ञान प्रतिष्ठानमा एमबिबीएस कार्यक्रम सुरु गर्न मुख्यमन्त्री सिंहको जोड ★   प्रधानमन्त्रीसँगको भेटपछि ओलीको प्रतिक्रिया– भेट राम्रो भयो ★   कुवेतमा भवनमा भएको आगलागीबाट ३५ भन्दा बढीको मृत्यु ★   अर्थमन्त्रीले एनसेललाई केन्द्रित गरेर निहित उद्देश्यले आर्थिक विधेयकको धारा ५७ मा छुट दिने व्यवस्था गरे:…

हेनरी किसिन्जरको १०० वर्षको उमेरमा निधन



अमेरिकाका पूर्व विदेशमन्त्री एवं वरिष्ट कुटनीतिज्ञ हेनरी किसिन्जरको १०० वर्षको उमेरमा निधन भएको छ । अमेरिकाको कनेक्टीकटमा रहेको निवासमा उहाँको निधन भए पनि मृत्युको कारण बारेमा विस्तृत विवरण दिइएको छैन ।

अमेरिकाका यी वरिष्ट कुटनीतिज्ञले अमेरिकी पूर्व राष्ट्रपतिहरु निक्सन र फोर्डको कार्यकालमा राष्ट्रिय सुरक्षा सल्लाहकारको पनि जिम्मेवारी सम्हाल्नु भएको थियो ।

अमेरिकी विदेश नीतिमा आमूल परिवर्तन ल्याउने पात्रको रुपमा किसिन्जरलाई कुटनीतिक क्षेत्रमा विश्वभर चिनिन्छ ।

जर्मनीमा सन् १९२३ मा जन्मिएका किसिन्जर सन् १९३८ मा भागेर अमेरिका पुग्नु भएको थियो ।

सन् १९६९ मा तत्कालीन राष्ट्रपति रिचार्ड निक्सनले किसिन्जरलाई राष्ट्रिय सुरक्षा सल्लाहकारमा नियुक्त गरेसँगै उहाँको प्रभाव अमेरिकी विदेश नीतिहरुमा देखिन थालेको थियो । उहाँले निक्सनकै कार्यकालमा विदेश मन्त्रीका रुपमा सेवा गर्नु भएको थियो । त्यसपछिका राष्ट्रपति गेराल्ड फोर्डको कार्यकालमा पनि उहाँ विदेश मन्त्री रहनु भएको थियो ।

चीनसँगको सम्बन्ध सामान्यीकरण गर्न, सन् १९७३ मा इजरायलको योम किपुर युद्ध अन्त्य गर्न तथा भियतनाम युद्ध अन्त्य गर्ने पेरिस शान्ति सम्झौता गराउन उहाँले विशेष भूमिका निर्वाह गर्नु भएको थियो ।

तथापी रुससँग सम्बन्ध तिक्ततापूर्ण बनाउन र चिलीका तानाशाह अगस्टो पिनोचेसँगको सम्बन्ध सुधार गर्न विवादास्पद भूमिका निर्वाह गरेको आरोप उहाँमाथि लाग्ने गरेको छ ।

यद्यपी किसिन्जरले विश्वशान्तिका लागि महत्वपूर्ण योगदान गरेको भन्दै सन् १९७३ मा उहाँलाई नोबेल शान्ति पुरस्कार प्रदान गरिएको थियो ।

अन्तर्राष्ट्रिय राजनीतिमा गहिरो अभिरुचि राख्ने किसिन्जरले २१ वटा पुस्तक लेख्नु भएको थियो ।