काठमाडौँ । अखिल नेपाल फुटबल संघ (एन्फा)माथि अख्तियार दुरुपयोग अनुसन्धान आयोगमा उजुरी पर्ने क्रम जारी छ । यसैबीच, एन्फाभित्र आन्तरिक विवाद बढ्दै गइरहेको अवस्थामा शुक्रबार अख्तियारमा थप उजुरी दर्ता भएको हो ।
गत मंगलबार नेपाल र यमनबीच दशरथ रंगशालामा भएको खेलमा बिक्रि गरिएको टिकटको विषयलाई लिएर अख्तियारमा उजुरी परेको छ ।
‘भष्ट्राचाररहित परिवर्तन चाहने आम फुटबल प्रेमीहरू’ को नाममा दर्ता गराइएको उजुरीमा विश्वकप छनोट अन्तर्गत नेपाल र यमनबीचको खेलमा १३ हजार ७ सय दर्शक उपस्थित रहेकाले ६२ लाख रुपैयाँ उठ्नु पर्नेमा एन्फाले ३७ रुपैयाँ लाख मात्र हिसाब देखाएर भष्ट्राचार गरेको दाबी गरिएको छ ।
उजुरीमा टिकटको क्याटागोरीको छपाइ संख्या र पास वितरणको मापदण्डमा पनि प्रश्न गरिएको छ । साथै, एउटै नम्बरमा दुई–दुई प्याड छापिएको उजुरीमा दाबी गरिएको छ ।
यसअघि कात्तिकमा पनि एन्फाविरूद्ध अख्तियारमा उजुरी परेको थियो ।
