९ मंसिर २०८१, आईतवार
,
Latest
मोरङको मिक्लाजुङ गाउँपालिका र जापानको मिनामिताने सहरबीच भगिनी सम्बन्ध सरकारसँग व्यपारीहरुको मागः सहकारी समस्या तत्काल समाधान गरियोस् कांग्रेसको कोषाध्यक्षमा उमेश श्रेष्ठ मनोनित अध्यक्ष दाहालद्वारा राईप्रति श्रद्धाञ्जली अर्पण ५ महिना नपुग्दै प्रतिनिधिसभाका सचिव अधिकारीको राजीनामा ‘विनियोजित बजेट संघीय प्रणालीअनुसार खर्च नभएसम्म पुँजीगत खर्च वृद्धि हुँँदैन’ गाजामा इजरायली आक्रमणबाट १७ प्यालेस्टाइनीको मृत्यु एसिसी यू–१९ एसिया कपका लागि हेमन्त धामीको कप्तानीमा नेपाली टोली घोषणा आईपीएल मेगा अक्सन आजबाट, जान्नुहोस् सम्पूर्ण जानकारी फोहोर व्यवस्थापनको विषयमा राजनीति नगरौँः उपप्रधानमन्त्री सिंह
तपाईं के खोज्दै हुनुहुन्छ ?

राप्रपा अध्यक्ष लिङ्देन स्वदेश फिर्ता



अ+ अ-

काठमाडौं । संयुक्त राज्य अमेरिकाको १२ दिन लामो भ्रमण पूरा गरी राप्रपा अध्यक्ष राजेन्द्र लिङ्देन मंगलबार राति स्वदेश फर्कनुभएको छ ।

अध्यक्ष लिङ्देन पार्टी सम्बद्ध प्रवासी नेपाली एकता समाज (पानस) अमेरिकाको निमन्त्रणामा अमेरिकाको विभिन्न राज्यमा भएका विविध कार्यक्रममा सहभागी हुन कार्तिक ९ गते अमेरिका प्रस्थान गर्नुभएको थियो। भ्रमणको क्रममा अध्यक्ष लिङ्देनद्वारा टेक्सासको ड्यालसमा पानस अमेरिकाको तेश्रो राष्ट्रिय अधिवेशनको समुदघाटन र सम्बोधन गर्नुभएको थियो ।

अध्यक्ष लिङ्देनले अमेरिकाको टेक्सास, ईन्डियाना, ओहायो, वाशिडंटन डिसि, न्यूयोर्क,बाल्टिमोर लगायतका मुख्य शहरहरूमा ठूलो संख्याका नेपाली समुदाय, पानसका विभिन्न समितिहरुसंग भेटघाट र साक्षात्कार गर्नुभएको छ। आफ्नो छोटो अमेरिका भ्रमण अत्यन्तै उत्साहजनक र फलदायी रहेको अध्यक्ष लिङ्देनले बताउनुभएको छ।

त्रिभुवन अन्तर्राष्ट्रिय विमानस्थलमा अध्यक्ष लिङ्देनलाई कार्यबाहक अध्यक्षको जिम्मेवारी समेत सम्हाल्नुभएका वरिष्ठ नेता, उपाध्यक्ष बुद्धिमान तामाङ्, उपाध्यक्ष हेमजङ गुरुङ्, प्रवक्ता ज्ञानेन्द्र शाही लगायतका नेताहरुले स्वागत गर्नुभएको प्रवक्ता एवं प्रचार विभाग प्रमुख मोहनकुमार श्रेष्ठले जानकारी दिनुभयो ।

अध्यक्ष लिङ्देनको भ्रमण टोलीका राप्रपा सहायक महामन्त्री विजय खड्का, केन्द्रीय सदस्य एवं प्रवास विभागका प्रमुख आनन्द अधिकारी एवं अमेरिकामा रहनुभएका पानस आईसिसीका अध्यक्ष प्रेमकुमार श्रेष्ठ पनि स्वदेश फर्कनुभएको छ।