एजेन्सी । वेस्ट इन्डिजका अलराउन्डर सुनिल नारायणले अन्तर्राष्ट्रिय क्रिकेटबाट सन्यास लिएका छन् । उनले आइतबार सामाजिक सञ्जालमार्फत सो जानकारी दिएका हुन् ।
सुनिलले लामो समयदेखि वेस्ट इन्डिजको राष्ट्रिय टोलीमा खेल्ने मौका पाएका थिएनन् । उनले अन्तिम पटक अगस्ट २०१९ मा टी–२० अन्तर्राष्ट्रिय खेल खेलेका थिए ।
३५ वर्षिय खेलाडीले विश्वभर फ्रेन्चाइजी क्रिकेट खेल्न जारी राख्ने पनि पुष्टि गरेका छन् । यसको मतलब उनी इन्डियन प्रिमियर लिग (आईपीएल)मा देखिनेछन् ।
सुनीलले आफ्नो पहिलो ओडीआई सन् २०११ मा भारतविरुद्ध खेलेका थिए । उनले सन् २०१२ मा इङ्ल्यान्डविरुद्ध टेस्ट डेब्यू गरेका थिए । सन् २०१२ मा नै अस्ट्रेलियाविरुद्ध टी–२० डेब्यू गरेका थिए । उनले ६ टेस्टमा २१ विकेट लिएका थिए ।
सन् २०१२ मा टेस्ट डेब्यू गरेपछि उनले यस ढाँचामा आफ्नो अन्तिम खेल २०१३ मा खेलेका थिए । सन् २०१२ मा वेस्ट इन्डिजलाई टी–२० विश्वकप जिताउन नारायणले महत्वपूर्ण भूमिका खेलेका थिए ।
