एजेन्सी । स्पेनिस फुटबल लिग ला लिगा अन्तर्गत बार्सिलोनाले संघर्षपूर्ण जित निकालेको छ । गएराति भएको खेलमा बार्सिलोनाले रियल सोसिडाडलाई १–० गोलले पराजित गरेको हो ।
बार्सिलोनालाई जित निकाल्न अन्तिम समयसम्म कुर्नुपरेको थियो । खेल सकिनै लाग्दा इन्जुरी समयमा रोनाल्ड अराओले गोल गर्दै बार्सिलोनालाई महत्वपूर्ण तीन अंक दिलाएका हुन् ।
जितसँगै १२ खेलबाट २७ अंक जोडेको बार्सिलोना तालिकाको तेस्रो स्थानमा रहँदा पराजित सोसिडाड समान खेलबाट १९ अंकका साथ छैटौं स्थानमा छ ।
