काठमाडौँ । त्रिकोणात्मक टि२०आई सिरिज अन्तर्गतको तेस्रो खेलमा हङकङलाई ७९ रनले हराउँदै नेपाल फाइनलमा पुगेको छ । नेपाल एक खेल आगवै फाईनलमा पुगेको हो ।
जितको लागि नेपालले दिएको २१४ रनको लक्ष्य पछ्याएको हङकङले निर्धारित २० ओभरमा ८ विकेट गुमाएर १३४ रन बनायो । हङकङको लागि अंशे रथले सर्वाधिक ४५ रन बनाए । उनीे ६ चौका प्रहार गर्दै दिपेन्द्र सिंह ऐरीको बलमा आउट भए । यस्त,ै एजाज खानले २५ र बाबर हायतले २० रन बनाउदा ओपनर मार्टिन कोट्जि पहिलो बलमै गोल्डेन डक आउट भए ।
नेपालको लागि करण केसिले ४ ओभरमा एक मेडनसहित २५ रन खर्चेर दुई विकेट लिए । यस्तै सोमपाल कामि र ललित राजवंशीले समान दुई दुई विकेट लिदा दिपेन्द्र सिह ऐीले एक विकेट लिए ।
त्यसअघि माथिल्लो मुलपानि क्रिकेट मैदानमा टस जितेर पहिला ब्याटिङ रोजेको नेपालले निर्धारित २० ओभरमा ६ विकेट गुमाएर २ सय १३ रन बनाएको थियो। पाँचौ विकेटका लागि कुशल मल्ल र दीपेन्द्रले १ सय ४५ रनको साझेदारी गरेका थिए । कुशलले आफ्नो करिअरको दोस्रो अर्धशतक बनाउने क्रममा ९ छक्का सहित ९२ रनको आक्रामक इनिङ खेले । ४१ बलको सामना गरेका उनले ३ चौका समेत प्रहार गरेका थिए । यता, दीपेन्द्रले सातौं अर्धशतक बनाउने क्रममा ५७ रनको इनिङ खेले । उनले ३३ बलमा ६ चौका र २ छक्का प्रहार गरेका थिए ।
हङकङका लागि मोहमद घजन्फ़रले २ विकेट लिएका थिए भने आयुष शुक्ला, हरुन अर्षद र एजाज खानले १-१ सफलता हात पारे ।
नेपालले पहिलो खेलमा यूएईलाई ७ विकेट र दोस्रो खेलमा हङकङलाई ६ विकेटले पराजित गरेको थियो । आजको जितसँगै नेपाल ६ अंक जोड्दै शीर्षस्थानमा रहेर फाइनल पुगेको हो । अब नेपालले आफ्नो अन्तिम खेल सोमबार यूएईसँग खेल्नेछ । यूएई र हङकङले आइतबार र बुधबार एक आपसमा खेल्नेछन् । फाइनल शुक्रबार हुनेछ ।
