काठमाडौँ । नेपाल सुनचाँदी बजारमा साता कारोबारको अन्तिम दिन अर्थात् शुक्रबार सुन–चाँदीको मूल्य स्थिर रहेको छ ।
आज छापावाल सुन बिहीबार कै मूल्यमा स्थिर रहि एक लाख सात हजार तीन सय रुपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ ।
शुक्रबार तेजाबी सुनको मूल्य पनि यथावत रहि प्रतितोला एक लाख छ हजार आठ सय रुपैयाँमा कारोबार भइरहेको छ ।
त्यसैगरी, शुक्रबार चाँदीको मूल्य पनि स्थिर रहेको छ । आज चाँदी बिहिबारकै मूल्य प्रतितोला १३ सय १० रुपैयाँमा कारोबार भईरहेको महासंघले जनाएको छ ।
