काठमाडौँ । नेपालका बलर सन्दीप लामिछानेले आफ्नो खेल जीवनमा २०० अन्तर्राष्ट्रिय विकेट लिएका छन् ।
एसियाली खेलकुद अन्तर्गत आइतबार बिहान भएको माल्दिभ्सविरुद्धको खेलमा १ विकेट लिएसँगै सन्दीपले आफ्नो विकेट संख्या २०० पुर्याएका हुन् ।
सन्दीपको नाममा एक दिवसीय क्रिेकटमा ११२ र टि–२० अन्तर्राष्ट्रिय क्रिकेटमा ८८ विकेट लिएका छन् । आइतबार भएको खेलमा नेपालले माल्दिभ्सलाई १३८ रनले पराजित गरेको छ ।
नेपालले दिएको २१३ रनको लक्ष्य पच्छ्याएको माल्दिभ्स १९.४ ओभरमा ७४ रनमा अलआउट भयो ।
