एजेन्सी । प्रिमियर लिगको शीर्षस्थानमा रहेको म्यानचेस्टर सिटी इएफएल कप फुटबलको तेस्रो चरणबाटै बाहिरिएको छ । बुधबार न्युक्यासलसँग १–० ले पराजित हुदै सिटी इएफएल कपबाट बाहिरिएको हो ।
घरेलु मैदानमा भएको खेलमा न्युक्यासलका अलेक्जेन्डर इसाकले गोल गर्दै टीमको लागि जित हात पारे । उनले ५३ औं मिनेटमा गोल गरेका थिए । यससँगै साबिक विजेता समेत रहेको सिटीको इएफएल कपको यात्रा समाप्त भएको छ ।
अब न्युक्यासले प्रि– क्वाटरफाइनलमा म्यानचेस्टर युनाइटेडसँग प्रतिस्पर्धा गर्नेछ ।
यस्तै, इएफएल कपको अर्को खेलमा लिभरपुलले लेस्टर सिटीलाई ३–१ ले हराएको छ । त्यसैगरी चेल्सीले ब्राइटन तथा आर्सनलले ब्रेन्टपलोर्डलाई समान १–० ले हराउँदै अन्तिम १६ मा पुगेको छ ।
