काठमाडौँ । साफ यु–१९ फुटबल च्याम्पियनसिप अन्तर्गत माल्दिभ्सविरूद्धको खेलमा नेपालले २-० ले अग्रता लिएको छ।
सोमबार दिउँसो काठमाडौंस्थित दशरथ रंगशालामा भएको खेलमा नेपालले पहिलो हाफ नसकिदै अग्रता लिएको हो ।
नेपालका लागि प्रशान्त लकसमले १८ औ मिनेटमा गोल गर्दै नेपाललाई अग्रता दिए । पछि खेलको ३० औ मिनेटमा गोल गर्दै समिर तामाङले टीमलाई दोब्बर अग्रता दिलाए ।
पहिलो खेलमा नेपाल पाकिस्तानसँग १–० ले पराजित भएको थियो । सेमिफाइनल प्रवेशका लागि नेपाललाई आजको खेल जित्नैपर्ने हुन्छ ।
यता, माल्दिभ्सले भने नेपालसँग बराबरी खेले पनि सेमिफाइनलको यात्रा गर्नेछ । माल्दिभ्सले पहिलो खेलमा पाकिस्तानसँग १–१ को बराबरी खेलेको थियो ।
समूह ‘ए’ बाट पाकिस्तानले भने सेमिफाइनलको टिकट काटिसकेको छ । यस्तै, समूह ‘बी’ बाट भारत र भुटान सेमिफाइनल पुगिसकेका छन् ।
