काठमाडौँ । काठमाडौँ महानगरपालिकाका प्रमुख बालेन्द्र (बालेन) शाहले विगत केही दिनदेखि आन्दोलन गरिरहेको अभियन्ता ईः वार्तामा आउन नचाहेको बताउनुभएको छ ।
अभियन्ताहरु भएकै ठाउँमा गएर वार्ता गरी समस्या समाधान गरौँ भन्दा उनीहरु वार्तामा नआएको कामपा प्रमुख बालेनको भनाइ थियो । लोकतान्त्रिक अभ्यासमा सबैकुराको समाधान संवादबाटै हुने भन्दै उहाँले कुनै राजनीतिक स्वार्थ जोडिएर उहाँहरु संवादमा नआएको हुनुपर्ने उहाँले बताउनुभएको छ ।
सामाजिक सञ्जालमा उहाँले भन्नुभएको छ, “विगत केही दिनदेखि केही अभियन्ताहरु आन्दोलनमा हुनुहुन्थ्यो, उहाँहरुको कुरा सुन्न उहाँहरु उभिरहेको ठाउँमा म आफैँ गएर वार्ता गरौँ यहाँहरुको कुरा र समस्या सुनौंँ भन्दा अभियन्ताहरु संवादमा बोलाउदा आउन खोज्नु भएन । लोकतान्त्रिक अभ्यासमा सबै कुरा समाधान संवादबाट नै हुनुपर्छ भन्ने कुरा हामीले बुझेको छौँ, सायद कुनै राजनितिक स्वार्थ जोडिएर आउन नखोज्नु भएको होला भन्ने हामीले बुझेको छौँ । के वार्ता हामीले उहाँहरुको नेता सँग गर्न पर्ने ?”
