काठमाडौँ । नेपाली कांग्रेसका नेता शंकर भण्डारीले नेपाली शब्दकोशबाट ॐ शब्द नहटाउन चेतावनी दिएका छन् । आईतबार पार्टी केन्द्रीय कार्यसमितिको बैठकमा बोल्दै उनले शब्दकोशबाट ॐ शब्द नहटाउन पार्टी नेतृत्वको ध्यानाकर्षण गराए।
उनले सदियौँ देखि रहेको वैदिक सनातन धर्मविरुद्धमा सनातनीहरूलाई जिस्क्याउने र अपमान गर्ने काम भइरहेको बताउदै भने, ‘नेपाली शब्दकोशबाट ॐ शब्द हटाउने जुन कुरा आएको छ। त्यसबारे सरकारबाट स्पष्ट जानकारी चाहियो । यदि सत्य हो भने सरकारले त्यस्तो कार्य तुरुन्त बन्द गरोस्। सरकार के हेरेर बसेको छ ? यसबारे पार्टीको दृष्टिकोण के हो ?’
मुलुक इतिहासमै सबैभन्दा संकटमा पुगेको बताउदै उनले यसको दाग कांग्रेसलाई नलगाउन आग्रह गरे । उनले पार्टी महासमिति बैठकमा पनि हिन्दु राष्ट्रका विषयमा छलफल हुनुपर्नेमा जोड दिए ।
