एजेन्सी । पूर्वी लिबियामा आएको बाढीमा परी मृत्यु हुनेको संख्या पाँच हजार नाघेको छ ।
लिबियाका अधिकारीहरूका अनुसार १५ हजारभन्दा बढी मानिस बेपत्ता छन् । सात सय शव मात्रै पहिचान भएका छन् ।
ड्यानियल आँधीका कारण भएको मुसलधारे वर्षासँगै अचानक बाढी आएपछि दुई वटा नदीका बाँध भत्किएर यसबाट सिंगो सहर ध्वस्त भएको छ ।
उद्धार कार्यमा संलग्न १२३ सैनिकको अवस्था थाहा लागेको छैन । यही कारण अहिले सेना पनि असहाय देखिन्छ । देशका छनोट गरिएका विमानस्थलहरू त्यहाँ कुनै भारी वा कार्गो विमान अवतरणका लागि उपयुक्त छैनन् । यही कारणले गर्दा यहाँ सहयोग उपलब्ध गराउन कठिन भइरहेको छ ।
मृतकको सङ्ख्या अझ बढ्न सक्ने बताइएको छ ।
