लाहोर: एसिया कप क्रिकेट अन्तर्गत आज भएको खेलमा पाकिस्तानले बंगलादेशलाई सात विकेटले सहजै पराजित गरेको छ । बंगलादेशले प्रस्तुत गरेको १९४ रनको लक्ष्य पाकिस्तानले ३ विकेट गुमाएर पुरा गरेको थियो ।
टस जितेर पहिले ब्याटिङ रोजेको बंगलादेशले ३८.४ ओभरमा सबै विकेट गुमाएर १९३ रन मात्र बनाएको थियो । बंगलादेशका लागि अनुभवी कप्तान शकिब अल हसनले ५३ र विकेट किपर ब्याट्सम्यान मुस्फिकर रहिमले ६४ रनको योगदान गरेका थिए । तर अन्य ब्याट्सम्यान सस्तैमा पवेलियन फर्किएका थिए ।
पाकिस्तानका बलरहरु ह्यारिस रोउफले ४, नसीम शाहले ३, शाहिन शाह अफ्रिदी, फहिम अस्रफ र इफ्तिखर अहमदले क्रमश: एकएक विकेट लिएका थिए ।
जवाफमा ब्याटिङमा उत्रेको पाकिस्तानले १९४ रनको लक्ष्यलाई ३९.३ ओभरमा पुरा गरेको थियो । पाकिस्तानका लागि ओपनिङ ब्याट्सम्यान इमाम उल हकले ७८, मोहम्मद रिजवानले ६३, फखार जमानले २० र कप्तान बाबर आजमले १७ रन बनाएका थिए । इमाम उल हकले प्लेयर अफ द म्याचको पुरस्कार प्राप्त गरेका थिए । एजेन्सी
सुपर ४ को अंक तालिका
१. पाकिस्तान — १ खेल २ अंक
२. बंगलादेश — १ खेल ० अंक
सुपर ४ का खेलहरु
श्रीलंका र बंगलादेश (शनिबार)
भारत र पाकिस्तान (आइतबार)
