एजेन्सी । सनी देओलको फिल्म ‘गदर–२’ ११ अगस्टमा हलमा रिलिज भएको थियो । अब यो चलचित्र तेस्रो हप्तामा पुगेपनि कमाई रोकिने नाम लिइरहेको छैन ।
फिल्मले तेस्रो सोमबार पनि ४.६० करोड कमाएको छ । योसँगै फिल्मको जम्मा कलेक्सन ४६०.६५ करोड पुगेको छ ।
गदर–२ ले तेस्रो साताको अन्त्यमा ३६.९५ करोडको व्यापार गरेको छ, जुन आफैंमा कीर्तिमान हो ।
अब हिन्दी बक्स अफिस कलेक्शनको कुरा गर्ने हो भने, यो फिल्मपछि सबैभन्दा बढी कमाउने दुई हिन्दी फिल्म मात्र छन् ।
पठान ५ सय ४३ करोड कमाएर शीर्ष स्थानमा छ । योसँगै बाहुबली–२ ले ५१० करोड कमाएर दोस्रो स्थानमा छ ।
