एजेन्सी । बलिउड अभिनेत्री मलाइका अरोरा र अभिनेता अर्जुन कपुरको ब्रेकअप भएको धेरै दिनदेखि चर्चा थियो । यसैबीच, आइतबार, यो जोडी मुम्बईको एक रेस्टुरेन्टमा देखिए । दुबैजना लञ्च डेटमा त्यहाँ पुगेका थिए ।
दुबैको भिडियो सामाजिक सञ्जालमा भाइरल भएको छ । योसँगै उनीहरुको ब्रेकअपको खबरमा विश्राम लागेको छ ।
मलाइकाले आफ्नो इन्स्टाग्राम स्टोरीमा यो लञ्च डेटको तस्बिर सेयर गरिन्, जुन उनले पछि हटाइन् । यस स्टोरीमा दुवैको चश्मा टेबुलमा पल्टिएको देखियो । मलाइकाले लेखेकी थिइन्, ‘फेरि सुन्दर दिन आए ।’
एक दिन अघि अर्जुन कपुरले मलाइकाको इन्स्टा पोस्टमा कमेन्ट गरेका थिए । मलाइकाले आफ्नो कुकुरको भिडियो सेयर गरेकी छिन् । यो भिडियोमा कमेन्ट गर्दै अर्जुनले लेखेका छन्, ‘ह्याण्डसम ब्वाई’ । यसबाहेक अर्को कमेन्टमा उनले लेखेका छन्, ‘क्यास्पर (मलाईकाको घरपालुवा कुकुर) तिम्रो जीवनको वास्तविक स्टार हो ।’
केही दिनयता अर्जुनको नाम हालै डिभोर्स भएकी अभिनेत्री कुशा कपिलासँग जोडिएको थियो । यसैबीच मलाइकाले अर्जुन र उनका परिवारका सदस्यहरूलाई सामाजिक सञ्जालमा अनफलो गरिन् । तर, अर्जुनले मलाइकालाई फलो गरिरहेका थिए । उनीहरुको ब्रेकअपको चर्चा त्यहाँबाट सुरु भयो ।
