काठमाण्डौ । सडकमा वेवारिसे भेटिएका घरपालुवा जनावर संरक्षणको लागि आर्थिक संकलन गर्ने उद्धेश्यले राष्ट्रिय युवा समाजको आयोजनामा तारकेश्वरमा श्रीमद्भागवत सप्ताह ज्ञान महायज्ञ शुरु भएको छ ।
राधा किशोरी दासीबाट कथा प्रवचन भईराखेको सो श्रीमद्भागवत सप्ताह ज्ञान महायज्ञको पहिलो दिन कलश यात्रामा सयौं भक्तजनहरु सहभागी भएको महायज्ञमा सहभागी कमला केसीले बताएकी छिन् ।
महायज्ञबाट संकलित रकमबाट संस्थाले हाल संरक्षण गर्दै आएको वेवारिसे गाइवाच्छा तथा कुकुरहरुको स्याहार सुसार र संरक्षणमा खर्च गरिने उपाध्यक्ष सकुन खड्का रोक्काले बताइन् ।
सो संस्थाले बाटोमा वेवारिसे रुपमा फेला परेका घरपालुवा जनावरहरुको व्यवस्थापन तथा संरक्षण गर्दै आएको छ ।
