काठमाडौं । राष्ट्रिय स्वतन्त्र पार्टीको संसदीय दलको बैठक बस्दै छ।
दलको कार्यालय सिंहदरबारमा शुक्रबार साँझ ५ बजे बस्ने गरी बैठक बोलाएको प्रमुख सचेतक सन्तोष परियारले बताए ।
बैठकमा संसदका विषयगत समितिका सभापतिहरूको निर्वाचन, संसदमा पार्टीले दर्ता गरेका संकल्प र सार्वजनिक महत्त्वका प्रस्तावको विषयमा छलफल हुने परियारले बताए ।
विहिबार सभामुख देवराज घिमिरेले भदौ ११ गते ३ बजे सभापति चयन गर्ने मिती तोकेका थिए । सत्ता र प्रमुख प्रतिपक्षबीच संसदीय समितिको भागबण्डा हुँदा राष्ट्रिय मान्यता प्राप्त रास्वपा र राप्रपालाई भने एउटा पनि सभापति दिईएको थिईएन ।
आजको बैठकमा समिति सभापतिका लागि उम्मेदवार दिने वा नदिने भन्नेबारे टुंगो लगाउने परियारले बताए ।
