काठमाडौं । नेपाल क्रिकेट सङ्घ (क्यान) ले आईसीसी महिला टि–२० विश्वकप एसिया क्षेत्र छनोटको लागि अन्तिम टोली घोषणा गरेको छ ।
यसै महिना अन्तिममा मलेसियामा हुने प्रतियोगिताको लागि क्यानले रुविना क्षेत्रीको कप्तानीमा १४ सदस्यीय टोली घोषणा गरेको हो ।
टोलीमा रुविना क्षेत्री(कप्तान), सीता रानामगर, ईन्दू बर्मा, विन्दू रावल, कविता कुँवर, कविता जोशी, पूजा महतो, सम्झना खड्का, ईश्वरी विष्ट, काजोल श्रेष्ठ, रुबी पोदार, अप्सरी बेगम, अस्मिना कर्माचार्य र खुसी डङ्गोल रहेका छन् ।
युवा अलराउन्डर पुजा महतो, विकेटकिपर रुवी पोदार र लेग स्पिनर खुशी डंगोल भने पहिलो पटक टोलीमा परेका हुन् ।
आइसिसी महिला विश्वकप टि–२० एसिया क्षेत्र छनोट मलेसियामा अगष्ट ३१ देखी ९ सेप्टेम्बर सम्म हुनेछ । प्रतियोगिताको समूह ए मा आयोजक मलेसियासँगै नेपाल, बहराइन, भुटान, कतार र युएई छन् भने समूह बी मा चीन, हङकङ, कुवेत, थाईल्यान्ड र म्यानमार छन् ।
