एजेन्सी । भारतको महाराष्ट्रमा चलिरहेको रेलमा गोली प्रहार हुँदा चार जनाको मृत्यु भएको छ । सोमबार बिहान जयपुर–मुम्बई एक्सप्रेस (१२९५६)मा सवार रेलवे सुरक्षा बल ९आरपीएफ०का कन्स्टेबलले आफ्नो स्वचालित राइफलका साथ एक साथी सहायक उपनिरीक्षक (एएसआई)लाई गोली हाने । त्यसपछि दोस्रो डिब्बामा गएर ३ जना यात्रुलाई पनि गोली हाने ।
दुर्घटना हुँदा ट्रेन गुजरातबाट महाराष्ट्र जाँदै थियो । पालघर रेलवे स्टेशन नजिकै ट्रेनको कोच बी५ मा गोलीबारी भएको थियो । जवानलाई राइफलसहित पक्राउ गरिएको छ ।
आरपीएफका अनुसार घटना बिहान करिब ५:२३ बजे भएको हो । अभियुक्त हवल्दार चेतनकुमार चौधरी र एएसआई टिकाराम मीणा एस्कर्ट ड्युटीमा थिए । चेतनले टीकाराममाथि गोली हानेपछि थप ३ जना यात्रुलाई गोली हाने ।
त्यसपछि उनी दहिसर स्टेशन नजिकै रेलबाट ओर्लेर भागेका थिए । पक्राउपछि जवानलाई सोधपुछका लागि बोरिवली प्रहरी चौकीमा लगिएको छ । गोली चलाउनुको कारण छानबिनपछि पत्ता लाग्ने प्रहरीले जनाएको छ ।
