एजेन्सी । भारत र वेस्ट इन्डिजबीच भोलिदेखि सुरु हुने दोस्रो टेष्ट खेल भारतीय स्टार विराट कोहलीको करियरको ५०० औं अन्तर्राष्ट्रिय खेल हुनेछ ।
विराट यो माइलस्टोन पुग्ने भारतका चौथो र विश्वका १० औं खेलाडी बन्नेछन् । विराट ठ्याक्कै ५०० खेल खेलेर सबैभन्दा धेरै रन बनाउने स्टारको सूचीमा नम्बर १ हुने पक्का छ ।
विराट कोहली ५ सय खेलमा सबैभन्दा धेरै रन बनाउने ब्याट्सम्यान बन्ने छन् । उनले ४९९ खेलमा सचिन तेन्दुलकर, रिकी पोन्टिङ, महेला जयवर्धने, सनथ जयसूर्या र ज्याक कालिस जस्ता महान ब्याट्सम्यानलाई पछाडि छोडेका छन् ।
कोहलीले अहिलेसम्म २५ हजार ४६१ रन बनाएका छन् । उनले ५३.४८ को औसतमा २५ हजार ४६१ रन बनाएका छन्, जुन अन्य कुनै पनि लिजेण्डभन्दा धेरै हो । यसअघि अस्ट्रेलियाका पूर्व कप्तान रिकी पोन्टिङले ५०० खेलमा २५०३५ रन बनाएका थिए ।
कोहलीको ब्याटबाट अहिलेसम्म ७५ शतक बनिसकेका छन् । सचिन तेन्दुलकरले पनि ५०० खेलमा यति नै शतक बनाएका छन् ।
अस्ट्रेलियाका पूर्व कप्तान रिकी पोन्टिङ ५०० क्लबमा सर्वाधिक रन बनाउने खेलाडी हुन् । (यो रेकर्ड विराटबाट तोडिँदैछ) उनले ४७.९५ को औसतमा २५०३५ रन बनाएका छन् । पोन्टिङले ६८ शतक बनाएका थिए । उनी ५ सय खेलमा २५ हजारभन्दा बढी रन बनाउने विश्वकै पहिलो ब्याट्सम्यान बने ।
क्रिकेटका भगवान भनिने सचिन तेन्दुलकर ५ सय क्लबमा सबैभन्दा धेरै शतक बनाउने ब्याट्सम्यान हुन् । उनले ५ सय खेलमा ७५ शतक बनाएका छन् । सचिनको नाममा २४ हजार ८७४ रनको औसत ४८.४८ रहेको छ ।
दक्षिण अफ्रिकाका ब्याट्सम्यान ज्याक कालिसको ५०० क्लबमा उत्कृष्ट औसत रहेको छ । आफ्नो ५०० औं खेल सम्म, कालिसले ५०.२८ को औसतमा रन बनाए । उनले ६० शतक सहित २४ हजार ७९९ रन बनाएका थिए ।
५०० क्लबमा आवद्ध भएका भारतीय प्रशिक्षक राहुल द्रविड सबैभन्दा नटआउट रहे । उनी ७२ पटक नटआउट रहे । द्रविडले ५०० खेलमा ४५.५७ को औसतमा २३६०७ रन बनाएका छन् । द्रविडको नाममा ४७ शतक छ ।
श्रीलंकाका कुमार संगकारा ५०० क्लबमा बायाँ हाते सर्वाधिक रन बनाउने ब्याट्सम्यान हुन् । उनले ५०० खेलमा ४४.७३ को औसतमा २२५९२ रन बनाएका छन् । संगकाराको नाममा ४७ शतक थियो ।
भारतीय पूर्व कप्तान महेन्द्र सिंह धोनी ५०० क्लबको सर्वाधिक रन बनाउने खेलाडीको सूचीमा आठौं नम्बरमा छन् । धोनीले ५०० खेलपछि १६३३० रन बनाएका थिए । उनले ४५.११ को औसतमा रन बनाएका थिए । यी खेलमा धोनीले १६ शतक मात्रै बनाउन सकेका थिए ।
५०० क्लबको प्रदर्शन हेर्दा यो क्लबमा सबैभन्दा खराब प्रदर्शन पाकिस्तानका पूर्व कप्तान साहिद अफ्रिदीको रहेको देखिन्छ । उनले ५०० खेलमा ११ शतक सहित मात्र २४.३२ को औसतमा १०,८९९रन बनाए ।
