एजेन्सी । चन्द्रयान–२ को प्रक्षेपण भएको ३ वर्ष ११ महिना २३ दिनपछि भारतले चन्द्रयान–३ मिसन प्रक्षेपण गरेको छ ।
दिउँसो ठिक २ः३५ (भारतीय समय) बजे आन्ध्र प्रदेशको श्रीहरिकोटास्थित सतीश धवन स्पेस सेन्टरबाट एलभीएम३–एम४ रकेटमार्फत चन्द्रयान–३ अन्तरिक्षमा पठाइएको हो ।
यदि यो मिसन सफल भयो भने भारत अमेरिका, रुस र चीनपछि यस्तो गर्ने चौथो देश बन्नेछ ।
चन्द्रयान–३ अन्तरिक्ष यानमा तीनवटा ल्यान्डरररोभर र प्रोपल्सन मोड्युल छन् । करिब ४० दिनपछि अर्थात २३ वा २४ अगस्टमा ल्यान्डर र रोभर चन्द्रमाको दक्षिणी ध्रुवमा अवतरण हुनेछन् । दुवैले १४ दिनसम्म चन्द्रमामा परीक्षण गर्नेछन् ।
प्रोपल्सन मोड्युलले चन्द्रमाको कक्षमा बसेर पृथ्वीबाट आउने विकिरणको अध्ययन गर्नेछ । मिसन मार्फत, इसरोले चन्द्रमाको सतह कति भूकम्पीय छ भन्नेबारे तथा माटो र धुलोको अध्ययन गर्नेछ ।
चन्द्रयान–३ आदिपुरुष फिल्मको बजेटभन्दा सस्तो
चन्द्रयान–३ को बजेट करिब ६१५ करोड भारु रहेको छ भने हालै आएको फिल्म आदिपुरुषको लागत ७०० करोड रुपैयाँ थियो । अर्थात चन्द्रयान–३ यस फिल्मको लागतभन्दा करिब ८५ करोड रुपैयाँ सस्तो छ । यसअघि ४ वर्षअघि पठाइएको चन्द्रयान २ को लागत पनि ६०३ करोड रुपैयाँ थियो । तर, यसको सुरुवातमा ३७५ करोड रुपैयाँ खर्च भएको थियो ।
चन्द्रयान–३ को प्रक्षेपण इसरोको आधिकारिक वेबसाइट र युट्युब च्यानलमा प्रत्यक्ष देखाइएको छ ।
