काठमाडौँ । नेकपा (एमाले) का अध्यक्ष केपी शर्मा ओलीले भारतलाई विवादमा तानेर प्रधानमन्त्री पुष्पकमल दाहाल प्रचण्डले आफ्नो स्वार्थसिद्ध गर्न खोजेको आरोप लगाउनुभएको छ ।
शुक्रबार राजधानीमा आयोजित स्ववियु काउन्सिल नेपालको भेलामा उहाँले भारतले नेपालमा सरकार बनाउँछु नभनेको उल्लेख गर्दै भन्नुभयो, “त्यो भन्नु सार्वभौमसत्ता विपरीत हुन्छ, यो कुरा भारतलाई पनि थाहा छ ।”
नेपालका प्रधानमन्त्रीले ‘नेपालको सार्वभौमसत्ता नेपालमा छैन, नेपालको सांसदहरुले सरकार बनाउने होइन, दिल्ली दौडिएर बन्छ । धेरै पटक मलाई बनाउन पनि मान्छे कुदेका थिए’ भनेर राष्ट्रियतामाथि मजाक उडाइरहेको अध्यक्ष ओलीको भनाइ थियो ।
“यसमा भारतलाई मुछ्नुपर्ने केही छैन । भारतले केही भनेकै छैन”, भारतलाई समेत विवादमा तानेर आफ्नो स्वार्थ सिद्धी गर्न खोजेको भन्दै ओलीले भन्नुभयो, “यस प्रसंगमा कसैले बोलोस्, अनि भारतलाई भनौँला भन्ने सोच हुनसक्छ ।
