जनकपुरधाम। जनकपुरधाम उपमहानगरपालिका-६ का वडाध्यक्ष दिनेशप्रसाद साहको आज निधन भएको छ ।
लामो समयदेखि बिरामी पर्नुभएका उहाँको आज उपचारका क्रममा अस्पतालमा निधन भएको जनकपुरधाम उपमहानगरपालिकाका निमित्त प्रमुख प्रशासकीय अधिकृत मेहिलाल यादवले जानकारी दिनुभयो ।
यसैबीच वडाध्यक्ष साहको निधनको शोकमा आज जनकपुरधाम उपमहानगरपालिकाले बिदा दिइएको थियो ।
प्रशासकीय अधिकृत यादवका अनुसार आज उपमहानगरपालिका तथा मातहतका सबै निकायमा अत्यावश्यक सेवाबाहेक सबैमा शोक बिदा दिइएको हो । रासस
