काठमाडौं । प्रधानमन्त्री केपी शर्मा ओलीले बजेट प्रस्तुत गर्ने समयमा राजनीतिक अन्योल राख्नु उचित नभएको बताउनुभएको छ ।
शुक्रबार देशवासीको नाममा सम्बोधन गर्दै प्रधानमन्त्री ओलीले बजेट प्रस्तुत गर्ने समयमा राजनीतिक अन्योल राख्न नहुने बताउँदै यसको पृष्ठभूमीमा जेठ ६ गते मार्गप्रसस्त गर्दै संविधानको धारा ७६ को उपधारा ५ बमोजिम सरकार बनाउन राष्ट्रपतिसमक्ष सिफारिस गरेको बताउनुभएको हो ।
उहाँले भन्नुभयो, "संविधानको धारा ७६ (५) आधारमा मूलुकलाई राजनीतिक अन्योलबाट सकेसम्म छिटो मुक्त गर्ने उद्देश्यमा यो कदम प्रेरित थियो । यसैबीच जनता समाजवादी पार्टीले मलाई प्रधानमन्त्रीमा समर्थन गर्ने संंस्थागत निर्णयको पत्र हस्तान्तरण गर्यो । प्रतिनिधिसभाको रक्षा र राजनीतिक स्थायित्वका लागि अन्तिम प्रयास स्वरुप जेठ ७ गते संविधानको धारा ७६ (५) बमोजिम प्रधानमन्त्रीका लागि दाबी प्रस्तुत गरेको हुँ ।
