काठमाडौं । मित्रराष्ट्र जनवादी गणतन्त्र चीनको औपचारिक भ्रमणमा रहनुभएका प्रधान सेनापति महारथी श्री अशोक राज सिग्देलले चिनियाँ रक्षामन्त्री एडमिरल डोङ जुन (Dong Jun)सँग शिष्टाचार भेट गर्नुभएको छ।
प्रधान सेनापति सिग्देलले बुधबार (सेप्टेम्बर १६, २०२६) चिनियाँ रक्षामन्त्री डोङ जुनसँग भेटवार्ता गर्नुभएको हो। भेटका क्रममा नेपाल–चीनबीचको आपसी हित तथा दुई देशबीचको सैनिक सम्बन्धका विषयमा छलफल भएको नेपाली सेनाले जनाएको छ।
त्यसैगरी, प्रधान सेनापति सिग्देलले सोही दिन चीनको राष्ट्रिय प्रतिरक्षा विश्वविद्यालय (NDU) को निरीक्षण भ्रमण गर्नुभएको थियो।
उहाँले बेइजिङमा आयोजना भएको १३औँ बेइजिङ सियाङसान फोरम (The 13th Beijing Xiangshan Forum) को उद्घाटन सत्रमा समेत सहभागिता जनाउनुभएको नेपाली सेनाले जनाएको छ।
