![](https://newspolar.com/wp-content/uploads/2023/05/top-bahadhur-rayamaji.png)
काठमाडौँ । नक्कली भुटानी शरणार्थी प्रकरणमा अभियुक्तको तर्फबाट आज पनि बहस जारी रहनेछ । अभियुक्तका तर्फबाट बुधबारदेखि बहस सुरु भएको हो ।
बुधबार केशव दुलाल, सानु भण्डारी र टंक गुरुङको पक्षबाट कानुन व्यवसायीहरुले बहस गरेका थिए । साथै आज अभियुक्त सानु भण्डारीका तर्फबाट पूर्वमहान्यायाधिवक्ता तथा वरिष्ठ अधिवक्ता रमण श्रेष्ठले बहस गर्नेछन् ।
काठमाडौं जिल्ला अदालतका न्यायाधीश प्रेमप्रसाद न्यौपानेको इजलासमा बुधबारदेखि अभियुक्तहरूको तर्फबाट कानुन व्यवसायीले बहस सुरु गरेका हुन् ।
केशव दुलालका तर्फबाट अधिवक्ता विकास भट्टराईले बहस सुरु गरेका थिए । भट्टराईपछि दुलालको पक्षमा अधिवक्ताहरू विकास थापा, राजन भट्टराई, नरेन्द्र योगी र वरिष्ठ अधिवक्ता विश्वास आचार्यले बहस गरे ।
अभियतुक्त सानु भण्डारी र टंक गुरुङको तर्फबाट संयुक्तरूपमा अधिवक्ताहरू विनोद शर्मा, चुडामणि पोख्रेल, शिवप्रसाद रिजाल, साधुराम सापोटा, शरदप्रसाद कोइराला, षडानन्द कँडेल र नीरसिंह कुमार खत्रीले बहस गरे ।
सरकारी वकिलले मंगलबार आफ्नो बहस सकाएका थिए ।