• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   विस्तारित स्वास्थ्य सेवामा पहुँच बढाउन अमेरिकाद्वारा करिब १६ करोड रुपैयाँको धनुषा प्रसूति केन्द्रको हस्तान्तरण ★   विज्ञान र प्रविधिको क्षेत्रमा पहुँच पुर्‍याउने शिक्षा अध्यापन गराउनुपर्छ: पूर्वराष्ट्रपति भण्डारी ★   चैत २३ र २४ गते लुम्बिनीमा अन्तर्राष्ट्रिय शान्ति मेला ★   नेविसंघद्वारा सरकारविरुद्ध सडकमै हवन गरेर बिरोध ★   सीमा क्षेत्रका बासिन्दाले भोग्नुपरेका समस्या समाधान गर्न उपप्रधानमन्त्री श्रेष्ठको आग्रह ★   एकीकृत समाजवादीः बागमती प्रदेशका पाँच जिल्ला अधिवेशन सम्पन्न ★   राष्ट्रपतिद्वारा विधेयक प्रमाणीकरण ★   अर्थराजनीतिक दृष्टिकोणमा आधारित परराष्ट्र नीति नेपालको प्राथमिकताः डा सापकोटा ★   बङ्गलादेशी नागरिकलाई नेपाल ल्याई बन्धक बनाउने पक्राउ ★   अर्थमन्त्री वर्षमान पुनले गरे बजेट लेखन समिति गठन

चेल्सीविरुद्ध युनाइटेडको सानदार जित, च्याम्पियन्स लिग खेल्ने पक्का



एजेन्सी । इंग्लिस प्रिमियर लिग फुटबल अन्तर्गत म्यान्चेस्टर युनाइटेडले सानदार जित निकालेको छ ।

गएराति भएको खेलमा युनाइटेडले चेल्सीलाई ४–१ गोलले पराजित गरेको हो । घरेलु मैदानमा युनाइटेडलाई जित दिलाउन कासेमिरो, एन्थोनी मार्सियल, ब्रुनो फर्नान्डेज र मार्कुस रोसफोर्डले एक–एक गोल गरे । चेल्सीका जोआओ फेलिक्सले एक गोल फर्काए ।

खेलको छैटौं मिनेटमा नै कासेमिरोले गोल गर्दै युनाइटेडलाई सुरुवाती अग्रता दिलाएका थिए । पहिलो हाफको इन्जुरी समयमा मार्सियलले गोल गर्दै युनाइटेडको अग्रता दोब्बर पारे ।

यस्तै, ७३ औं मिनेटमा ब्रुनोले पेनाल्टीमार्फत गोल गर्दा युनाइटेड ३–० ले अघि बढ्यो । ७८ औं मिनेटमा रासफोर्डले गोल थप्दा युनाइटेड ४–० को अवस्थामा रह्यो । यता, ८९ औं मिनेटमा चेल्सीका लागि फेलिक्सले सान्त्वना गोल गरे ।

जितसँगै युनाइटेड तालिकाको तेस्रो स्थानमा उक्लिएको छ । उसको ३७ खेलबाट ७२ अंक छ । साथै यो नतिजासँगै युनाइटेडले च्याम्पियन्स लिग खेल्ने भएको छ । चेल्सी भने ३७ खेलबाटै ४३ अंकका साथ तालिकाको १२ औं स्थानमा छ ।