जनकपुरधाम । रौतहटमा ७० वर्षीय एक वृद्धको गोली हानी हत्या गरिएको छ । देबाही गोनाही-१ का शेख तैयाबको हत्या गरिएको हो ।
घरदेखि एक किलोमिटर दूरीमा लक्ष्मीनिया जाने सडकमा तैयबको शव भेटिएको इलाका प्रहरी कार्यालय गोनाहीका इन्सपेक्टर गोविन्द साहले बताए ।उनको टाउकोमा चोट देखिएको छ ।
मृतकका छोरा शेख असलमले गाउँकै मजहर आलम भनेर चिनिने मोगले आलममाथि हत्याको आरोप लगाएका छन् । तैयबका नाति शेख रिजवान मोगले आलको छोरीलाई लिएर बिहे गर्ने भन्दै सम्पर्कविहीन भएका थिए । १० दिनपछि मोगलेको छोरी इलाका प्रहरी कार्यालय गरुडामा हाजिर भइ तीनजनामाथि अपहरण तथा जबर्जस्ती करणी मुद्दा हालेकी थिईन्।
उक्त घटनापछि तैयब र मोगलेको दुश्मनी सुरू भएको शेख असलम बताउछन् । प्रहरीले घटनाबारे अनुसन्धान भइरहेको बताएको छ ।
