काठमाडौं । हाल देशमा पश्चिमी वायुको सामान्य प्रभाव छ। जसको कारणले गर्दा अहिले गण्डकी, लुम्बिनी, कर्णाली र सुदूरपश्चिम प्रदेशका केही पहाडी भूभागको मौसम बदली भई एकदुई स्थानमा हल्का वर्षा भइरहेको जल तथा मौसम विज्ञान विभाग, मौसम पूर्वानुमान महाशाखाले जनाएको छ ।
आज दिउँसो बागमती प्रदेश, गण्डकी प्रदेश र कोशी प्रदेश का पहाडी भू-भागका केहि स्थानहरुमा मेघगर्जन र चट्याङ्ग सहित हल्का वर्षाको सम्भावना रहेको महाशाखाले जनाएको छ । यस्तै आज काठमाडौं उपत्यकामा मध्याह्न र अपराह्न छिटफुट वर्षााको सम्भावना रहेको छ।
त्यस्तै कोशी प्रदेश र मधेश प्रदेशको तराईका केही स्थानहरुमा हावा/हुरीको सम्भावना रहेको छ। राति कोशी प्रदेश र गण्डकी प्रदेशका केहि पहाडी भू-भागमा मेघगर्जन चट्याङ्ग सहित क्षणिक वा हल्का वर्षाको सम्भावना रहेको महाशाखाले जनाएको छ ।।
महाशाखाले मेघगर्जन, चट्याङ र हावाहुरीबाट हुन सक्ने क्षतिबाट बँच्न सतर्कता अपनाउन अनुरोध गरेको छ।
