• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   सत्ताका गाँठागुठीमा साना दलको च्याँखे दाउ ★   राजस्थानको लगातार दोस्रोे जित, दिल्लीलाई १२ रनले हरायो ★   उत्तरपुस्तिका हराएको विषयमा छानबिन गर्न उच्चस्तरीय समिति गठन ★   शिक्षा मन्त्रालयका बीस कर्मचारीलाई स्पष्टीकरण ★   मन्त्रिपरिषद्को बैठक: सचिव पदमा लम्सालको बढुवा,चैते धानको मूल्य निर्धारण  ★   नेपालको पर्यटकीय सम्भावनालाई विश्वमा प्रचार गर्नसके चार गुणा पर्यटक आउँछन्: सांसद राणा ★   इलाम २ मा रास्वपाका उम्मेदवार मिलन लिम्बू ★   एमडीएमएस खरिदमा अनियमितता गरेको अभियोगमा २० जनाबिरुद्ध मुद्दा दर्ता ★   कर्णाली नदीमा हाम फालेर बेपत्ता भएका युवक मृत फेला ★   सवारी दुर्घटनाबाट दैनिक ७ जनाको मृत्यु हुने प्रहरीको तथ्यांक

भ्रष्टाचारी र अपराधीहरुलाई सरकारले कारबाही नगरे राप्रपा आन्दोलनमा उत्रन्छ: ज्ञानेन्द्र शाही



काठमाडौँ । राष्ट्रिय प्रजातन्त्र पार्टीका प्रमुख सचेतक ज्ञानबहादुर शाहीले भ्रष्टाचारी र अपराधीहरुलाई कारबाही नगरे आफ्नो पार्टी आन्दोलनमा जान बाध्य हुने चेतावनी दिनु भएको छ ।

बुधबार प्रतिनिधिसभा बैठकमा सरकारले पेश गरेको आगामी आर्थिक वर्षको नीति तथा कार्यक्रममाथिको छलफलमा भाग लिँदै उहाँले भ्रष्टाचारी र अपराधीहरुलाई सरकारले कानुनी कारबाही नगरे आफ्नो पार्टीले सडक र सदन दुवै ठाउँबाट आन्दोलन गर्ने बताउनु भएको हो ।

प्रमुख सचेतक शाहीले सरकारको नीति तथा कार्यक्रमलाई रेस्लिङ खेल्ने गेमजस्तो बनाउन नहुने पनि बताउनु भयो । उहाँले ट्रेड युनियन खारेज गर्न पनि सरकारसँग माग गर्नु भयो । ट्रेड युनियनहरुकै कारण मुलुकको उद्योगधन्दा, कलकारखाना बन्द भएकाले त्यसलाई सरकारले खारेज गर्नुपर्ने प्रमुख सचेतक शाहीको तर्क थियो ।

उहाँले मुलुकको अर्थतन्त्रको विकासका लागि लोकल मदिराको विक्रीवितरण र बाहिरबाट मदिरा ल्याउने काममा प्रतिबन्ध लगाउन पनि सरकारको गम्भिर ध्यानाकर्षण गराउनु भयो । सांसद शाहीले भन्नु भयो, ‘प्रधानमन्त्रीज्यूलाई म अनुरोध गर्न चाहन्छु । यो ट्रेड युनियन भन्ने छ नि । यसलाई खारेज गरिदिनुस । यसले कलकारखाना बन्द मात्रै गरिराखेको छ । लगानीकर्ताको लगानी सुरक्षित गर्ने ग्यारेन्टी गरिदिनुस । प्राकृतिक स्रोतको प्रयोग गर्नुस ।

जस्तो रुख एउटा काट्यो भने दुईटा लगाउने व्यवस्था गर्नुस । जडिबुटीहरु किसानलाई उत्पादन गर्न दिनुस् । अनि, विदेशी मदिरालाई चट्ट परेर खाने, अनि लोकल मदिरालाई चाँही घरघरमा पुलिस गएर तोडफोड गर्ने होइन । लोकल मदिरालाई पनि गुणस्तर मापदण्ड चेकगरी खुलमखुला बेच्ने, विदेशी मदिरा रोक्ने कानुन बनाउनुस । तवमात्र देशको अर्थ व्यवस्था बलियो बन्छ । यो नीति तथा कार्यक्रम रेस्लिङ खेल्ने गेमजस्तो नबनाऊ । र, भ्रष्टाचारी, अपराधीहरुलाई कानुनी कारबाही गरौं । यो कारबाही गर्न कसले रोक्दो रहेछ हेरौं । यदि यो रोकियो भने राप्रपाले रचनात्मक सहयोग गर्छ । सडक र सदन दुवै ठाउँबाट आन्दोलन गर्ने प्रतिवद्धता व्यक्त गर्दछु ।’

प्रमुख सचेतक शाहीले प्राकृतिक स्रोतको सदुपयोग गर्ने, जुडिबुटीको उत्पादन तथा विक्रीवितरणको काम किसानलाई गर्न दिने नीति ल्याउन पनि सरकारलाई सुझाव दिनु भयो ।