काठमाडौं । नयाँ बानेश्वरस्थित संसद् भवनमा प्रधानमन्त्री पुष्पकमल दाहाल प्रचण्ड र सभामुख देवराज घिमिरेबीच भेटवार्ता भएको छ। प्रतिनिधिसभा बैठक बस्नुअघि प्रधानमन्त्री र सभामुखबीच भेटवार्ता भएको हो ।
आजको बैठकमा प्रधानमन्त्री पुष्पकमल दाहालले सांसदहरुले उठाएको प्रश्नको जवाफ दिने, नेपालको संविधानको धारा ५३ बमोजिम राज्याका निर्देशक, सिद्धान्त, नीति र दायित्व कार्यान्वयनका सम्बन्धमा गरेका काम र प्राप्त उपलब्धिसहितको आ.व.२०७८/०७९ वार्षिक प्रतिवेदन पेस गर्नुहुने कार्यसूचि रहेको छ । तर, ११ बजेका लागि बोलाइएको बैठक अझै सुरु हुन सकेको छैन।
यसअघि प्रधानमन्त्री र सभामुखबीच मङ्गलवार पनि छलफल भएको थियो। उक्त छलफलमा संसद्लाई प्रभावकारी बनाउने र सरकारले भोलि संसदमा पेश गर्न नीति तथा कार्यक्रमबारे छलफल भएको थियो।
